3.19.2012

mga snowbird


Karong buntag ang mga sandalyas sa Manhattan ug Atlantic City
nanuroy na sa aseras nga polbos lapyahan
Si Paul Anka ug Justin Bieber nagduweto og mga konsiyertong
Montreal o Toronto sa Ruth Eckerd Hall ug St. Pete Times Forum
Ang mga buffalo sa Wyoming ug Montana gakayak
sa De Soto Park ug Sebastian Inlet

Naghugyon nahibalik nagkapakapa na upod ang mga snowbird
katap sa sabakan sa dalangpang Florida
hain ang tinipigang pako sa tinakpang kondo?


-MELQUIADITO MAAMBONG ALLEGO, MD
Palm Harbor, Florida, USA