4.22.2012

si veronica nga way panyo


ang gikapoyng kristo mopahid sa iyang singot ug luha sa hubong lawas ni veronica. wagtangon ni veronica ang kauhaw sa paghalok sa ngabil ni kristo ug ang iyang lipstick motapon ngadto sa baba ni kristo unya molama kini sa nagkalain-laing bahin sa lawas ni veronica.

inig biya na ni kristo aron mopadayon sa iyang panaw, trapohan na lang ni veronica ang iyang mga luha sa iyang puwang panty ug bra nga puniton niya ubos sa katre. isul-ob niya kinig balik ug mag-atang na sad siyag laing gikapoyng kristo nga nagkinahanglan og buhing panyo nga mopahid sa iyang kakapoy.


-PIERO ALDAYA
Carcar, Sugbo

2 komento :

  1. morag lahi ra man ni gamay

    TumugonBurahin
  2. ambivalent sinner
    in transient
    heaven
    juxtaposition of human desire.
    smell veronica's veil
    between heaven and hell


    -mananambalak

    TumugonBurahin

Unsay imong ikasulti ani?