1.12.2013

gipatay natong gabii


"magkagubot unya.
ayawg saba."
--Patya, Chai Fonacier

sukad atong gipahilom
kadtong gabhiona
gahunghong gihapon
ang imong tingog,

naningil og parehas.
ug igo lang bation ko ang paggimok
kon mahinumdom ko sa kahumok
nunot sa kahamis

sa imong tiil, tiyan, dughan.
halos nasiprahan na
sa akong kasingkasing
ang pagbagting

sa imong lawas,
samtang atong tingog
nagkayabag kay nahubog
sa mga takna sa paglingkawas.

sukad atong gipahilom
kadtong gabhiona,
nigimok ang kahilom
sa nabanhawng' tinguha

gikan sa lubnganan
sa panumdoman.

-OTENCIO B. MAUTGANAN JR.
Cagayan de Oro

2 komento :

  1. Maayo kaayo nga templada!

    Taga-CDO. Cool! Silingan ra diay 'ta!

    Kuyaw imo'ng ngalan. Very clever! :)

    Bisita unya sa akong site: http://mgabalakninhejzheen.blogspot.com

    TumugonBurahin
  2. http://balaybalakasoy.blogspot.com/search/label/Ton%20Daposala

    ton daposala ang otencio mautganon
    together

    TumugonBurahin

Unsay imong ikasulti ani?