Mga Magbabalak

Ang tag-iya sa matag balak nga inyong nabasa dinhi sa Balakista gikan sa nagkalain-laing grupo sa atong katilingban, may nagkadaiyang mga ideya ug prinsipyo nga gihuptan apan ang tanan may usa ka samang gituohan: nagpabilin gihapon ang gugma sa atong pinulongang Bisaya ug niining matang sa literaturang Sugboanon nga gitawag og balak.

Ila-ilaha ang mga magbabalak nga mipaambit sa ilang mga balak ning atong balayan:


Siya ang sipat nga batan-ong magbabalak. Pipila lamang ang nakaila gyod sa tinuod niyang ngalan ug kining iyang gigamit diri takoban lamang. Bisan pa, may kalidad gyod ang iyang balak ug sa kasiaw niini daw tadhan ang labok kon sa manok pa.

Siya ang tagtukod sa BATHALAD kaniadtong 1969 nga karon duha na ka chapter: Sugbo ug Mindanao. Siya usab ang nagpundok sa mga pundok magbabalak nga Albicalarivi Poetry Group pag 1964 ug BEBODOFILAMIMUVE POETRY ENSEMBLE kaniadtong 2010. Nagbase karon siya sa Amerika apan bibo gihapon kaayo magsulatan og balak ug nagmalaomon nga daghan ang mosunod sa iyang lakang ug magpadayon gihapon ang tradisyon sa pamalak hangtod na sa sunod henerasyon.

Tigsuwatan siya sa Bisaya Magasin ug nagtrabaho unsaon pagkuti-kuti sa mga website aron mas daling makit-an sa iyang mga magbabasa. Walay tarong nga kinabuhi.


(Ang impormasyon sa ubang mga magbabalak nga nakapatik na og balak gikaykay pa ug ipatik kon nakit-an na. Kon may nakita kang sayop o angay nga usbon aron mas haom ang deskripsyon sa matag magbabalak ning atong gamayng balayan, ayaw kaikog og paambit niini aron atong masakto dayon. Daghang salamat.)