"magkagubot unya.
ayawg saba."
--Patya, Chai Fonacier
sukad atong gipahilom
kadtong gabhiona
gahunghong gihapon
ang imong tingog,
naningil og parehas.
ug igo lang bation ko ang paggimok
kon mahinumdom ko sa kahumok
nunot sa kahamis
sa imong tiil, tiyan, dughan.
halos nasiprahan na
sa akong kasingkasing
ang pagbagting
sa imong lawas,
samtang atong tingog
nagkayabag kay nahubog
sa mga takna sa paglingkawas.
sukad atong gipahilom
kadtong gabhiona,
nigimok ang kahilom
sa nabanhawng' tinguha
gikan sa lubnganan
sa panumdoman.
-OTENCIO B. MAUTGANAN JR.
Cagayan de Oro
Maayo kaayo nga templada!
TumugonBurahinTaga-CDO. Cool! Silingan ra diay 'ta!
Kuyaw imo'ng ngalan. Very clever! :)
Bisita unya sa akong site: http://mgabalakninhejzheen.blogspot.com
http://balaybalakasoy.blogspot.com/search/label/Ton%20Daposala
TumugonBurahinton daposala ang otencio mautganon
together