Ayaw pagkabuang sa usa ka mamamarang
Mabali ang hangin
mohapak sa imong nawong...
Di ko ganahan magtan-aw sa usa
ka manlilimos na morag gitipos...
Hinumdomi palayo kaniya
makilatan ra na siya...
Gipahiagom nimo og unsa katam-is
ang akong kinabuhi..
Unsaon nako paglitok ang akong nabati...
Ikaw ang negra,
Negrang daot sa akong palibot...
Busa gwapa sa akong panan-aw kay libre man...
Ang kadako ngadto sa paa sa manok
dili ko mahilimtan,
ang walay kahutdan sa bugas...
Tungod niini nakahurot kog tulo kagantang...
Kabugnaw sa vanilla di madala sa kainit...
Maabot ra ang adlaw na imo kong paninglon
Buot ug di buot sa dughan
Mao ni siya gitawag og utang,
utang na nabahaw
Pero bisan pa man
daghang salamat
Salamat sa pakighimamat.
--CATHLEA ANDO
Dakbayan sa Sugbo
tanang makit-an sa balak adunay kahulogan. ang matag elemento adunay gibug-aton. ang di masabtan nga balak duna man gihapoy buot ipasabot, kaso di lang nato makuha. basin ang uban makakuha sa mensahe apan dili tanan, gawas na lang kon ipasabot sa tagsulat o sa nakasabot ang kahulogan niini.
TumugonBurahinang balak usab angay nga matulog. di kay nahuman na man kog suwat, padala na ni bi.. labi na kon adunay pinulongan nga di kaayo anad. ayaw kahadlok sa pagpakatulog sa balak. ayaw kahadlok sa pagbasa sa imong kaugalingong balak human nimog suwat.
ang balak padayon sa iyang pagpangita sa mas bug-at nga kahulogan. ayawg tuo nga kon mapatik na ang balak, di na angayng usbon. may gahom ka, higala! ikaw ang ginoo sa imong mga balak.
hangtod sa sunod pagpamakak.. aw, pagpamalak!
gipanabi na gid nehmu cath sa unsa ka kamangtas??
TumugonBurahin